-إنطلاقا من التعليقات اللى بتجينى ممن يدعون الإنتماء إلى التيار اليسارى والتى تظهر وعى مشوه, كلمتين وبس فى التويتات التالية..
2-الثورة تعمل على صعيدين; صعيد النقض وصعيد البناء باسم مبدأ جديد.. ولا يبدأ البناء إلا بعد الإجهاز على البنية الإقتصادية والإجتماعية القائمة..
3-الثورة دى لا "ثورة شباب الإنترنت" ولا "ثورة ديمقراطية. فالمصطلح الأول يحصر المسألة فى كونها صراع جيل, والثانى يحصرها فى حرية تذكرة الإنتخاب..
4-مفيش حركة ثورية من غير نظرية ثورية ، ومفيش حركة ثورية من غير حزب ثوري وتنظيمات حقيقية للطبقة العاملة, لا لشباب الإنترنت ..
5-المفاهيم الهلامية زى "الشارع" و "الجموع" و"الناس" لا تصلح للتوصيف إذ أنها لا تعبر الشق الطبقى اللى هو جوهر اليسارية..
6-الإصلاحيون مش هما اللى بيناضلوا من أجل الإصلاحات, والثوريين مش هما اللى رافعين يفط الثورة! موقفهم من النضال من أجل الإصلاحات مختلف..
7-الإصلاحيون شايفين كسب الإصلاحات كهدف فى حد ذاته, بالتنسيق مع البرجوازية أحيانا, وبمهادنتها فى معظم الوقت, وبالشروط التى تضعها البرجوازية..
8-الثوريون بيخضعوا النضال من أجل الإصلاحات لصالح النضال الثورى, فنضالهم الإصلاحى جوهره هو حشد وتعبئة جماهير الكادحين لفرض مطالبهم..